Қуръон ўқитиш ва ёдлаш усуллари

Аллоҳ субҳонаҳу ва таолонинг каломи Қуръони каримни бутун фасоҳати билан, барча қонун-қоидаларига риоя этган ҳолда ўқишга ҳаракат қилиш олий илоҳий амр. Шунга кўра, ҳар бир мўмин-мусулмон учун ўта масъулиятли ва савобли бу амал ўрганувчидан алоҳида меҳр-ихлосни, зарур даражадаги билим ва маҳоратни талаб қилади. Булар эса ўз-ўзидан ҳосил бўлмайди. Қуръони каримни Мусҳафдагидек ўқишни ўргангандан кейин уни йўлбошчи, дастуруламал билиб, унинг хулқи билан хулқланиш, ояти карималари орқали доимо Аллоҳ зикрида бўлиш учун имкон қадар ёд олиш ҳам жуда муҳим саналади. Бу йўлда юксак диққат-эътиборли бўлиш, собитқадамлик зарур. Қўлингиздаги китоб муаллифи ушбу масалалар бобида маслаҳат ва тавсиялари билан сиз, ўқувчиларга ёрдам бериш ниятидадир. Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2019 йил 1 ийундаги 3077-сонли хулосасига асосан тайорланди.