Хадис ва хает 18 жуз Тиб ва дам

Азиз китобхон! «Ҳадис ва Ҳаёт» силсиласининг ўн саккизинчи жузи «Тиб ва дам китоби»ни қўлга олганингиз муборак бўлсин! Аллоҳ таолонинг тавфиқи ва иродаси ила бу китобда ўзимиз учун керакли кўпгина нарсаларни ўрганамиз. Муқаддимада бизнинг динимиз тиб ва дам масалаларига қандоқ қараши ҳақидаги маълумотлар билан яқиндан танишиб чиқишга ҳаракат қиламиз. Бунинг учун аввал мазкур икки сўзнинг луғатдаги ва истилохдаги маъноларини батафсил ўрганамиз. Сунгра тиб ҳақида келган ҳадислар суннатнинг қайси турига кириши ва уларга қандоқ муносабатда булиш кераклиги ва бошқа зарур масалаларни ўрганамиз.

Кейин эса Исломда соғлиқни сақлаш ишига қандоқ қаралиши ҳақида суҳбат қурамиз. Бу аснода динимизда тозаликка риоя қилиш, соғлиққа зарар етказувчи ва атрофни ифлос қилувчи нар салардан қайтариш, бадантарбия, соғлиққа зарарли нарсаларни ҳаром қилиниши, исроф ва қизғанчикликни ҳаром қилиниши, жисмни толиқтиришдан қайтариш, соғлиқни сақлаш мақсадида енгиллик ва рухсатлар берилгани каби мавзуларни яхшилаб ўрганамиз. Ўзининг розилигини кўзлаб қилинган ушбу камтарона амални Аллоҳ таоло даргоҳида қабул қилсин. Хато ва камчиликларини Ўзи кечирсин!