Дин наcыйкат

Шейх Мухаммад Садык Мухаммад Юсуф рахимахуллахтын каламына таандык «Дин-насыйкат» китеби сатууга чыгарылды.Бүгүнкү күндө мусулман өлкөлөрүндө болуп жаткан ихтилаф-келишпестиктер, талкалоолор жана кандуу кагылышуулар бүткүл дүйнөнү кайгыга салууда. Тилекке каршы, мунун акыбетинде Ислам дини жана мусулмандар жөнүндө жаман элес түптөлүүдө.

Исламдын акыйкатын, анын асыл маанисин бузуп көрсөтүп жаткан адашкан агымдардын бири “Хизбут-тахрир” тагыраак айтканда, “Исламий азаттык партиясы” болуп саналат.Ислам уламалары бул аянычтуу кырдаалдан чыгуунун жана аталган көйгөйдүн чечүү жолдорун үммөткө көрсөтүп берүү үчүн, кең көлөмдүү илимий ишмердүүлүктү алып барышууда.

Ошондой, уламалардын бири – залкар, аалым, шейх Мухаммад Садык Мухаммад Юсуф рахматуллахи алайхи болуп. Аталган аалымдын, адашкан агымдарга жооп катары жазылган китептеринин бири “Дин-насыйкат” болуп эсептелет.Расулуллах саллаллоху алайхи васаллам “Дин – насыйкат”- деди. Сахабалар “Кимдерге?” – деп сурашты. Расулуллах саллаллоху алайхи васаллам: “Аллахга, Анын китебине, Элчилерине, мусулмандардын иш башчыларына жана алардын бардыгына”, деди”.Демек, ушул китепте баян кылынган пикирлер дагы бир мусулман пенденин, Ислам аалымынын өз диндештерине чын жүрөктөн кылган насыйкаты.