Коръэн уку дэреслэре

Татарстан Республикасы Мөселманнарының Диния Нәзарәте, Алабуга Җәмигъ мәчете мөгаллимәсе Галимә Харисова тарафыннан төзелгән «Коръән уку дәресләре» мәчет- мәдрәсә укытучыларына, шәкертләренә кулланма сыйфатында тәкъдим ителә. Дәреслек татар халкының күренекле галиме Әхмәтһади Максудинең «Мөгаллим сәәни» һәм «Кыйроэт Куръән» китаплары нигезендә төзелде.

Дәреслекнең бу төзәтелгән, тулыландырылган дүртенче басмасы, әүвәлге басмалардан аермалы буларак, асылда, Коръән Кәримнең Мәдинә басмасын укырга өйрәтә, хәрефләрнең махраҗлары, сыйфатлары, тәҗвид кагыйдәләре җентекләп таблицалар рәвешендә бирелә. Бу ысул өйрәнелә торган материалларны җиңел, тиз һәм ныклап үзләштерергә ярдәм итәр, ин шәә' Аллаһ. Аллаһ Тәгалә Коръәнне укытучыларга һәм укучыларга Үзенең хак сүзен дөрес итеп, мәгънәләрен аңлап, тәэсирләнеп укырга насыйп итсә иде һәм ошбу гыйлемне яшь буынга тапшырырга, изге гамәлләр кылырга ярдәм итсә иде.