Карурман, Равил Атагайсин

Равил Атагайсин тасвирлаган "Карурман" - югары дәрәҗәдә мавыктыргыч, тулы тормыш белән яшәүче сихри затлар турында искиткеч матурлыгы булган язма.

Бу китапны укучылар, аның башлангыч битләрендә авыл тынычлыгын күрәләр: бераздан, вакыйгалар, алда ниләр буласын күз алдына китереп булмый торган халәткә күчә.

Казан егетенең тылсымлы Карурманда йөрүе: пәри кызы, шүрәле, Урман кызы, капчыклы Бабай, шайтан, убыр; Тукай язган, исемем Былтыр; йөз ел артык яшәп картайган шүрәле; "Сөембикә патшаны Мәскәүгә алып киттеләр" - дигәннән соң, аның Казандагы яшерен тормышы, Казан ханлыгы һаләк булуны үз күзләре белән күргәч, биек манарадан карлыгач кебек аска ыргылып, фаҗигале үлеме; Ак бүре, Дию, Урман патшасы һәм башкалар, укучы алдында экрандагы сыман күренеп, онытылмас булып истә кала.

Авторның: "Шүрәле", "Су анасы","Яңа Кисекбаш", "Урман кызы" шигырьләренә ишарә ясавы; Габдулла. Тукай, Һади Такташ рухына тәнгәл китереп язуы, аның, әдәбиятта татар рухын дәвам итүен ачык күрсәтә.

Мәктәп балаларына яңа әдәби белем бирү; татарларның дөньяга килеп чыгышы; кеше яшәвенең асылын аңлату; язмыш - туганда язылганмы икәнен ачыклау; Киек каз юлы йолдызлыгыннан төшкән зат белән очрашу; Ахырзаман көне башлану турында сөйләшү; фәрештәләрне искәртү; Казанда китап чыгару эшләре ничек булганын; Абага аланын тасвирлау - китапның маҗараларга, кызыкларга бай булуы, кечеләргә дә, олыларга да күңелле уку булыр.

Бу китап табышмак — табышмак эчендә сер.